Arboj de moderaj kaj malvarmaj regionoj/Arboj kun ovoformaj folioj

Leciono B-7: Kvin arboj kun ovoformaj folioj sen amentoj

Floro de magnolio (ĉi tie Magnolia virginiana): granda, okulfrape kolora (t.e ne verda aŭ bruna), ne en floraro.

La plej ordinara folioformo, precipe pri arboj, similas al ovo (kun aŭ sen pinto). Do, por arboj kun ovoformaj folioj ni elektis du aretojn:

1. arboj kun ovoformaj folioj kaj amentoj (pritraktataj en la antaŭa leciono)
2. arboj kun ovoformaj folioj sen amentoj (pritraktataj en tiu ĉi leciono)

Ĉar amentoj estas aparta speco de floraroj, dum la taŭga sezono sufiĉas vidi ke la arbo portas alispecajn florojn, por kompreni ke ĝi estas en la grupo pritraktata ĉi tie.

Jen la ses arboj kiujn ni elektis por tiu ĉi leciono:

• B-7/1 -- Magnolioj
• B-7/2 -- Ulmoj
• B-7/3 -- Prunarboj
• B-7/4 -- Diospiroj
• B-7/5 -- Laŭroj
• B-7/6 -- Kornusoj

Ni konsilas ke vi legu ilin laŭ la supra ordo, sed se vi jam konas sufiĉe bone iun temon vi povas senĝene preterpasi al la sekva.