Kuirlibro:Reĝa kuskuso

Reiru al la kuirlibro-indekso
Reiru al la kuirlibro-ĉefpaĝo

REĜA KUSKUSO laŭ ĵan-ĵak

Kuskuso estas laŭ NPIV :
1. speco de malfajna semolo vaporkuirita kaj
2. Magrebdevena manĝaĵo, preparita el kuskuso, ŝaf-bov- aŭ kok-viando k diversaj spicoj, ofte kun legomoj k saŭco.

Ingrediencoj

por 6/8 personoj :

• 750 g da ŝafŝultraĵo ( 6/7 pecoj ).
• 1 kokido ( 1 Kg ) ( 6/7 pecoj ).
• eventuale : 6 mergesoj kaj 6 stangetoj de ŝafido ( kradkuiritaj sur ĝardena kradrostilo ). La mergesoj estas magrebaj pimentitaj kolbasoj ( t.e.SEN porkaĵo, sed KUN spicoj ).
• 120 cl da olivoleo.
• en pecoj : 3 kukurbetoj, 4 karotoj, 4 napoj, 1 celeria branĉo, 3 paprikofruktoj.
• 1 skatoleto de senŝeligitaj tomatoj.
• 1 skatoleto de kikeroj.
• 1 granda cepo.
• 2 elpremitaj ajlobulberoj.
• 1 g da safrano.
• 7 g da « ras el hanout » ( estas miksado de 40 spicoj ! ).
• ( Se oni ne havas ĝin? vi metas viajn spicojn kiuj NE estas SUKERAJ : ekz : kajena pipro (Cayenne-p. el ruĝa kapsiko)
• 1 kafkulero da hariso.( « harissa » ): nordafrika spiĉajo el ruĝaj sekigitaj paprikoj k oleo laŭ NPIV afrika spicaĵo el.
• 750 g da kuskuso. (grajno )
• salo, nigra pipro laŭ via persona gusto.

Se vi havas premmarmito, vi gajnas 1 horon. Se vi ne havas, vi perdas 1 horon !

Kuirado

1 – En la premmarmito, antaŭkuire subrostu la viandojn kun 3 supkuleroj da oleo, aldonu la cepon kaj la ajlobulberon, aldonu la «ras-el-hanout ».

2 – Elverŝu la tomatojn kun ilia suko. Aldonu la karotojn, napojn, celerion, paprikofrutojn (paprikofruktojn) kaj akvon : spicu laŭ via gustumo.

3 – Fermu la premmarmiton..

4 – Tuj kiam la vaporo ekeskapas, reduktu la fajron kaj kuiru 16 mn.

5 – Dum la vaporkuirado, miksu la kuskusan grajnon kun 5 supkuleroj da oleo kaj 50 cl da sala akvo.

6 – Lasu ŝveligi la grajnon de kuskuso. ( movu de tempo en (al) tempo ).

7 – Malfermu la premmarmiton. Aldonu la kukurbetojn kaj la kikerojn. Fermu la premmarmiton.

8 – Tuj kiam la vaporo ekeskapas, reduktu la fajron kaj kuiru 5 mn.

9 – Malfermu la premmarmiton. Reprenu la viandojn, la legumojn kaj la sukon. Metu ilin aparte.

10 – En la premmarmito, metu 75 cl da akvo. Metu la kuskusan grajnon en la korbo ( alta pozicio ). Fermu la premmarmiton.

11 – Tuj kiam la vaporo ekeskapas, reduktu la fajron kaj kuiru 5 mn.

12 – Pretigu forta saŭcon en saŭcujo: miksu 1 kuleregon da buljono kun la kafokulero da hariso

Konsilo

Prezentu aparte la viandojn kaj legumojn, la grajnon kaj saŭon. (saŭcon) Servu tre varma. (varme)

Reiru al la kuirlibro-indekso
Reiru al la kuirlibro-ĉefpaĝo