Kuirlibro:Melongenoj kun fromaĝo en tomatosaŭco
Reiru al la kuirlibro-indekso
Reiru al la kuirlibro-ĉefpaĝo
Melongenoj kun fromaĝo en tomatosaŭco
| |
|---|---|
| Energio |
Melongenoj kun Fromaĝo en Tomatosaŭco
Ĉefmanĝaĵo por 2 – 3 personoj Krommanĝaĵo por 4 – 5 personoj
Ingrediencoj
[redakti]- 2 mezgrandaj melongenoj
- iom da salo
- 150 ml da olivoleo
- 1 granda ethakita cepo
- 2 elpremitaj ajlobulberoj
- 400 ml da kribritaj tomatoj
- 300 ml da ruĝa vino
- 1 tigo da freŝa timiano
- 1 tigo da freŝa rosmareno
- 1 laŭrofolio (dispecigita)
- 6 tigoj da petroselo (krudtranĉitaj)
- iom da pipro
- iom da sukero
- 3 supkuleroj (21 g) da kribrita tritika faruno
- 200 g da etraspita parmezano
- 150 g da mocarelo
Kuirado
[redakti]- Lavu la melongenojn sub malvarma akvo.
- Forigu la finaĵojn kaj faru diskajn tranĉaĵojn el ili, proks. 1 cm-on dikajn.
- Surŝutu iom da salo je ambaŭ flankoj.
- Elgutigu la tranĉaĵojn, unu horon, por forpreni la iom amaran guston.
- Intertempe preparu la tomatosaŭcon: Varmigu 2 supkulerojn (30 ml) da olivoleo en kaseroleto.
- Aldonu la cepon kaj milde fritu ĝin 3 minutojn.
- Aldonu la ajlon kaj post minuto, la kribritajn tomatojn kaj la ruĝan vinon.
- Varmigu ĉion ĝis ekbolo kaj aldonu timianon, rosmarenon, laŭrofolion kaj petroselon.
- Boletigu la tuton ĝis restas nur duono de la kvanto.
- Kribru la nun akiritan saŭcon kaj frotu kiom eble plej multe da ĝi tra la kribrilo.
- Spicu laŭ gusto per salo, nigra pipro kaj sukero.
- Lavu la melongentranĉaĵojn, sekigu ilin kaj turnrulu ilin en la faruno.
- Varmigu la restintan oleon en pato kaj fritu la melongenajn tranĉaĵojn ambaŭflanke ĝis ili estas orobrunaj.
- Elgutigu ilin sur kuirejpapero.
- Elŝmiru iom da oleo je la internon de fornobovlo.
- Metu tavolon da melongentranĉaĵoj sur la fundon, kovru ilin per iom de la saŭco kaj surŝutu parmezanon.
- Plenigu tiel la tutan bovlon.
- Fine kovru la tuton per la tranĉaĵoj de la mocarelo kaj kovru ĉion per la restinta tomatosaŭco.
- Metu la bovlon en antaŭvarmigitan bakfornon je temperaturo de 220 °C (celsiaj gradoj) dum baktempo de 16 – 18 minutoj.
Konsilo
[redakti]Servu la manĝaĵon en la fornobovlo. Disdonu la manĝaĵon ĉetable laŭ la dezirataj porcioj. Aldonu tranĉaĵojn da itala pantoflopano (Ciabatta).
Bonan apetiton!
Reiru al la kuirlibro-indekso
Reiru al la kuirlibro-ĉefpaĝo
Melongenoj kun fromaĝo en tomatosaŭco
| |
|---|---|
| Energio |