Enkonduko pri xymatrix/Kurbigado

El Vikilibroj
Salti al navigilo Salti al serĉilo

Sagoj : kurbigado[redakti]

Bazaj komandoj[redakti]

La sagoj defaŭlte estas rektaj.
Oni povas kurbigi ilin maldekstren per la komando @/^/, kaj dekstren per @/_/.

Ekzemplo :

\xymatrix{
A \ar @/^/ [r]&B
}

La rezulto estas :

Xymatrix14.png

Dua ekzemplo :

\xymatrix{
A \ar @/^/ [r] \ar @/_/ [rr]&B&C \ar @/_/ [l]
}

La rezulto estas :

Xymatrix15.png

Kiel vidite sur la ĉi supra ekzemplo, la komando @/^/ povas kurbigi sagon alten aŭ malalten, depende de la direkto de la sago.
Fakte, oni devas imagi, ke la sago rigardas al sia celo, kaj ke ĝi kurbiĝas maldekstren per la komando @/^/ kaj dekstren per la komando @/_/. "Dekstren" kaj "maldekstren" ricevas ĉi tie signifon el la vidpunkto de la sago mem, ne el la vidpunkto de la homo, kiu rigardas la sagon !

Eble la ĉi suba desegnaĵo helpos por kompreni :

Xymatrix21.png

Precizigo de la kurba valoro[redakti]

Oni povas precizigi la mezuron de la kurbigo uzante la mezurunuojn de LaTeX. Tiu precizigo estu skribita ĝuste poste la signo _ aŭ ^ en la kurbiga komando.

Ekzemplo :

\xymatrix{
A \ar @/^1cm/ [r]&B
}

La rezulto estas :

Xymatrix16.png

Precizigo de la deira kaj alvena punktoj[redakti]

Per la komando @(dp, ap), kie dp signifas "deira punkto" kaj ap "alvena punkto", oni povas precize difini, el kie la sago devas foriri, kaj kien ĝi devas alveni.
La valoroj de dp kaj ap devas esti : u (up), ur (up right), r (right), dr (down right), d (down), dl (down left), l (left), ul (up left), laŭ la jena skemo :

Xymatrix17.png

Ekzemplo, en kiu la deira kaj alvena punktoj havas la valoron u :

\xymatrix{
A \ar @(u, u) [r]&B
}

La rezulto estas :

Xymatrix18.png

Specialaj ekzemploj, en kiuj la celindiko estas malplena : [], kio signifas, ke la sago revenu al la deira elemento :

\xymatrix{
A \ar @(ul, dl) []
}
\xymatrix{
A \ar @(ur, dr) []
}
Xymatrix19.png Xymatrix20.png
Antaŭa paĝo: Sagoj : stilo Enhavtabelo Posta paĝo: Sagoj : flanken ŝovado