Kuirlibro:Germana kazetorto

Reiru al la kuirlibro-indekso
Reiru al la kuirlibro-ĉefpaĝo

Germana kazetorto
Kvanto da porcioj	8-12 personoj
Facileco	facila
Tempo	90 minutoj
Energio

Germana kazetorto

Ingrediencoj

por la murbo

• 200 gr da faruno
• 75 gr da sukero
• 1 ovo
• 100 gr da butero
• 1 kulereto da bakpulvoro
• 1 paketeto da vanilita sukero

por la garnaĵo

• 3 grandaj (aû 4 malgrandaj) ovoj
• 150 gr da sukero
• 1 paketeto da vanilita sukero
• 750 gr da kazeo (20%)
• 100 ml da lakto
• 40 gr da amelo

laŭvole

• aŭ 100 gr sekvinberoj
• aû pomopecoj
• aû citronsuko

Kuirado

preparado de la murbo

• Miksu ĉiujn ingrediencojn por obteni glatan paston.
• Se la murbo estas tro mola, metu ĝin iom en fridujon.
• Platigu la paston kaj per ĝi tegu grasumitan muldilon, la rando estu almenaŭ 3 cm alta.

preparado de la garnaĵo

• Apartigu ovoblankojn kaj ovoflavojn.
• Kirlu ovoblankojn rigidige kun triono de la sukero.
• Miksu ovoflavojn kun la cetera sukero, kazeo, lakto kaj amelo.
• Submiksu delikate la ovoblankojn kaj aldonu laŭvole sekvinberojn, pomopecojn aŭ citronsuko.
• Verŝu sur la murbon.

bakado

• Kuiru en forno je 150° dum ĉirkaŭ 50 minutoj.

Konsiloj

• Se la torto tro bruniĝas, kovru ĝin per aluminifolio.
• Post la kuirado lasu la torton ankoraŭ 10 minutojn en la elŝaltita bakforno.
• Elmuldigu (renversante sur kradon kaj rerenversante ĝin sur pladon) kaj malvarmigu antaŭ manĝo