Kuirlibro:Kuirvortaro

El Vikilibroj

[kuirlibro: reiru al la ĉefpaĝo]

a b c ĉ d e f g ĝ h ĥ i j ĵ k l m n o p r s ŝ t u v z

[redakti] a

acida

havanta guston piketan senteblan ĉe la flankoj de la lango, kiel citrono, vinagro...

fr: acide

adstringa

havanta guston streĉan ĉe la dentokarnoj pro taninoj, kiel pirosemoj, tro infuzitaj teoj...

fr: astringent, tannique

agariko

lamenfungo blanka, mezgranda, el kiu unu speco estas vendata sub la nomo ĉampinjono.

fr: agaric

akra, akragusta

havanta guston iritan, kvazaŭ brulan en la buŝo, kiel pipro, kapsiketoj...

fr: âcre, épicé, pimenté

ajlero, ajlobulbero

iu el la dividaĵoj de ajlobulbo, kiuj radie kuŝas ĉirkaŭ ĝia centra akso.

fr: gousse d'ail

aluminifolio, aluminia folio

izola metalfolio por konservi aŭ stufi iujn manĝaĵojn.

rimarko: pli frue anstataŭ aluminio estis uzataj stano kaj staniolo, pro kio oni ankoraŭ diras „stanfolio“, „staniolfolio“.

fr: papier d'aluminium

amara

havanta guston senteblan ĉe la bazo de la lango, kiel pluraj vegetaĵoj kaj radikoj, kakao, galo...

fr: amer

aromo

odoro sentata pro enbuŝigo de manĝaĵo, rekte de la buŝo al la nazo.

fr: arôme

a b c ĉ d e f g ĝ h ĥ i j ĵ k l m n o p r s ŝ t u v z

[redakti] b

baki

kuiri en forno.

de: backen; fr: cuire au four

bakforno

forno kiun oni povas hejti ĝis kuira varmeco.

fr: four

bakformujo

bakvazo destinita por enteni pano- aŭ kuko-paston dum ĝia bakado.

fr: moule à gâteau

bakmuldilo

= bakformujo

bakpleto

metala tabulo ŝovebla en fornon por surkuiri panon, kuketojn.

en: cookie sheet; fr: plaque de cuisson

bakujo

hejtata kavaĵo de forno.

fr: cavité du four

bakvazo

vazo el ceramiko, metalo, pirekso, silikono... eltenanta la varmegon de forno.

fr: plat qui va au four

balanctranĉilo

= lultranĉilo

bankuiri, banvarmigi

kuiri aŭ konservi varma, metante manĝaĵujon en pli larĝan vazon kun varma aŭ boleta akvo.

fr: cuire au bain-marie; it: cuocere a bagnomaria

barbekuo

= ĝardenrostilo

bazilio

spico el freŝaj aŭ sekigitaj folioj de samnoma herbo, kiun oni uzas por fajnigi salatojn, saŭcojn...

de: basilikum; en: basil; es: albahaca; fr: basilic

blanka cepo

iu el la printempe rikoltataj cepospecoj, kun blankakarnaj, ne longe konserveblaj bulboj pli mildagustaj ol tiuj de brunaj cepoj.

fr: ognon blanc

blanka faruno

faruno rafinita, tio estas senigita je brano.

rimarko: ekzistas diversaj gradoj de pli blanka ĝis pli bruna faruno, diverse klasigitaj laŭ landoj kaj leĝoj.

fr: farine blanche

blanka pipro

spico el matura semo de piprarbo, blankkolora, pulvorigita aŭ ne.

fr: poivre blanc

blanka sukero

plene rafinita, blankkolora sukero, kontraste al la bruna speco.

fr: sucre blanc

blanka viando

viando de birdo, porko, kuniklo, bovido, malpli grasa kaj bezonanta pli longan kuiron ol ruĝa viando.

fr: viande blanche

blondigi

per ekkuirado ekstere flavetigi malpli intense ol per orbrunigo.

fr: faire blondir

blua fromaĝo

= ŝimfromaĝo

boligi

varmigi likvon sufiĉe forte por vidi bobelojn.

fr: faire bouillir

bolkuiri

kuiri en bolanta likvo.

fr: faire bouillir

bovlego

= pelvo

bovlo

iom larĝa, ronda trinko- aŭ manĝovazo tenebla en ambaŭ manoj.

fr: bol

brezi

= stufi

brogi

mallonge lasi en bolanta akvo por moligi, purigi, faciligi senŝeligon... ĝenerale oni tuj poste malvarmigas sub fluanta akvo.

fr: blanchir, monder

bruna cepo

iu el la somere rikoltataj cepospecoj, kun ekstere flavetaj aŭ ruĝetaj bulboj, bone konserveblaj, pli fortagustaj.

fr: ognon de couleur

bruna faruno

faruno ne plene rafinita, konservanta ian proporcion da brano.

rimarko: ekzistas diversaj gradoj de pli blanka ĝis pli bruna faruno, diverse klasigitaj laŭ landoj kaj leĝoj.

fr: farine complète, farine intégrale

bruna sukero

kansukero ne plene rafinita, pli gusta ol blanka sukero.

fr: cassonade, sucre roux

buljono

likvo el kuirado de viando aŭ legomoj.

de: brühe; fr: bouillon

a b c ĉ d e f g ĝ h ĥ i j ĵ k l m n o p r s ŝ t u v z

[redakti] c

cindrorosti

kuiri sub varmegaj cindroj, eventuale volvinte en aluminifolio aŭ alia ŝirmaĵo: ekzemple terpomojn, kaŝtanojn...

fr: cuire sous la cendre

citrusraspaĵo, citronraspaĵo...

tre maldika eltranĉaĵo el la supra ŝelo de citrono, oranĝo aŭ alia citruso.

fr: zeste

a b c ĉ d e f g ĝ h ĥ i j ĵ k l m n o p r s ŝ t u v z

[redakti] ĉ

ĉampinjono

speco de agariko kultivata kaj vendata freŝa aŭ kiel konservaĵo (sciencanome agaricus bisporus).

de: champignon; fr: champignon de paris

ĉefplado

plej abunda preparaĵo, kiun oni prezentas dum manĝo, ofte varma plado kun viando.

fr: plat principal

ĉerpilo

kulerego por ĉerpi el kaldronoj.

fr: louche

a b c ĉ d e f g ĝ h ĥ i j ĵ k l m n o p r s ŝ t u v z

[redakti] d

dolĉa

havanta guston mildan senteblan ĉe la langopinto, kiel mielo, sukero, batato...

fr: doux, sucré

a b c ĉ d e f g ĝ h ĥ i j ĵ k l m n o p r s ŝ t u v z

[redakti] e

elektroforno, elektra forno

forno funkcianta per elektro.

fr: four électrique

elektra premkaldrono

premkaldrono kun elektra hejto, kiu ankaŭ konservas varma la kuiraĵon. en pluraj landoj ĝi funkcias kiel familia rizkuirilo.

fr: autocuiseur électrique, cuiseur à riz

elgutigi

lasi aĵon mem eligi troan akvon.

fr: égoutter

elgutigilo

truhava vazo, en kiu oni povas elgutigi ĵus lavitan aŭ bolkuiritan aĵon.

en: colander; fr: passoire

elladigilo

tranĉilo por malfermi ladskatolojn.

fr: ouvre-boite

envolvi

(pri duonlikva pasto aŭ simila) delikate turni la paston ĉirkaŭ enmeton, ekzemple ĉirkaŭ ŝaŭmigitan ovoblankaĵon, por ĝin iom post iom enfandi konservante la tuton malpeza.

fr: incorporer

a b c ĉ d e f g ĝ h ĥ i j ĵ k l m n o p r s ŝ t u v z

[redakti] f

farĉi

interne plenigi per ia kaĉo el viando, legomoj aŭ spicoj antaŭ kuirado.

fr: farcir

faruno

subtila pulvoro el pistita greno, ofte el tritiko, sed ankaŭ el maizo, rizo...

fr: farine

fileo

longa, maldika viando- aŭ fiŝaĵopeco, kiun oni eltranĉas laŭ ventro aŭ spino.

fr: aiguillette, filet

fornelo

mebloforno havanta kaj bakujon kaj kuirplatojn aŭ gasbekojn.

fr: cuisinière, fourneau

forneto

malgranda forno metebla sur breto, kun bakujo proksimume 20- aŭ 30-litra.

fr: minifour

forno

aparato kun hejtebla kavaĵo, tio estas bakujo.

fr: four

fornoganto

varmimuna ganto ŝirmanta la manon dum enfornigo aŭ elfornigo.

en: oven mitt; fr: gant anti-chaleur, gant de four

fornovazo

= bakvazo

fridujo

ŝranko konservanta manĝaĵojn malvarme inter 0 kaj 10 celsiaj gradoj.

de: kühlschrank; fr: frigo, réfrigérateur

friti

kuiri nutraĵon en bolanta oleo aŭ alia graso.

fr: frire

fritpano

seka panpeceto, ofte bele tranĉita, kiun oni buterfritas kaj uzas orname ekzemple sur legomkaĉo.

fr: crouton

fromaĝo

manĝaĵo farita el laktokazeo, eventuale fermentinta.

fr: fromage

frostigi

konservi per malvarmo sub 0 celsia grado.

fr: congeler, surgeler

frostofako

parto de fridujo funkcianta kiel frostujo.

de: gefrierfach; fr: congélateur

frostujo

ŝranko konservanta manĝaĵojn froste inter -18 kaj 0 celsiaj gradoj.

fr: congélateur

funelo

konuso tra kies malgranda trua ekstremo oni povas verŝi aŭ ŝuti ekzemple en malgrandan vazon.

fr: entonnoir

fumaĵi

kuiri kaj gustigi, longe elmetante al fumo de lignofajro.

fr: fumer

a b c ĉ d e f g ĝ h ĥ i j ĵ k l m n o p r s ŝ t u v z

[redakti] g

gasbeko

peco de aparato kiu ellasas brulgason por kuirfajro.

fr: bruleur (à gaz)

gasforno

forno enhavanta gasbekojn por hejto.

fr: four à gaz

glacisitelo

sitelo duonplena je glacieroj, en kiu oni konservas vinon malvarma dum manĝo.

fr: seau à glace, seau à champagne

glaso

ordinara, iom alta trinkovazo.

fr: verre

gorgonzolo

itala ŝimfromaĝo tre grasa.

fr: gorgonzola

grasbendo

maldika bendo el lardo kiun oni alligas ĉirkaŭ rostota viandopeco.

fr: barde

grateni

baki aŭ rosti ĝis formiĝo de krusto, eventuale kun helpo de tavolo de paneroj aŭ fromaĝraspaĵoj.

fr: gratiner

grio

pecetigita greno.

fr: gruau, semoule

gustigilo

substanco kiu fortigas la gustojn de manĝaĵoj, ekzemple salo, glutamato...

fr: exhausteur de gout

a b c ĉ d e f g ĝ h ĥ i j ĵ k l m n o p r s ŝ t u v z

[redakti] ĝ

ĝardenrostilo

aparato instalita en plezurloko por rostado sur ligna aŭ lignokarba fajro.

en: barbecue; fr: barbecue

a b c ĉ d e f g ĝ h ĥ i j ĵ k l m n o p r s ŝ t u v z

[redakti] h

haktabulo

tabulo sur kiu oni hakas, tranĉas, pecigas preparaĵojn.

fr: planche à découper

a b c ĉ d e f g ĝ h ĥ i j ĵ k l m n o p r s ŝ t u v z

[redakti] ĥ

a b c ĉ d e f g ĝ h ĥ i j ĵ k l m n o p r s ŝ t u v z

[redakti] i

ingredienco

= konsistaĵo

integra faruno

= bruna faruno

a b c ĉ d e f g ĝ h ĥ i j ĵ k l m n o p r s ŝ t u v z

[redakti] j

a b c ĉ d e f g ĝ h ĥ i j ĵ k l m n o p r s ŝ t u v z

[redakti] ĵ

a b c ĉ d e f g ĝ h ĥ i j ĵ k l m n o p r s ŝ t u v z

[redakti] k

kajena pipro

kromnomo de akra kapsikpulvoro.

rimarko: kajena pipro estas „malvera pipro“ ĉar ĝi ne venas el piprarbo.

en: cayenne; fr: poivre de cayenne

kaldrono

granda pli-malpli globa kuirvazo kun ansoj, kiun oni povas longe lasi sur fajro por bolkuirado.

fr: chaudron, faitout, marmite

kapsikpulvoro

spico el pulvorigitaj fruktoj, eventuale semoj kaj tigoj de kapsiko.

fr: paprika, piment en poudre

kaserolo

kuirvazo kun altaj randoj kaj tenilo, taŭga por boligo sur fajro.

fr: casserole

kirlofriti

mallonge friti en iom da varmega oleo aŭ alia likvo, uzante volbopaton kaj spatelon, daŭre kirlante la nutraĵon, laŭ procedo ofte uzata en azio, speciale en ĉinio.

en: stir-fry

klarigi

igi likvon klara, travidebla, per filtrado aŭ alia procedo.

fr: clarifier

klarigita butero

butero klarigita per varmigo kaj dekanto.

en: ghee, fr: beurre clarifié

knedliko

bula aŭ cilindra miksaĵo de panmolaĵo trempita en lakto aŭ buljono kaj de haketita viando, fiŝaĵo...

fr: quenelle

knelo

= knedliko

kompoto

manĝaĵo el fruktoj pecigitaj mallonge kuiritaj kun iom da sukero kaj -- laŭnecese -- likvo...

fr: compote

konfitaĵo

ĉia preparaĵo kuirita en sukero, plejofte entenanta fruktojn aŭ fruktosukojn.

fr: confiserie

konsistaĵo

ĉia baza materialo, el kiu oni faras pladon.

fr: ingrédient

kovrilo

disko per kiu oni ŝtopas la malfermaĵon de kuirvazo.

fr: couvercle

kradrosti

rosti manĝaĵojn sur metala krado super fajro.

fr: griller, cuire au grill

kremo

grasa duonfluaĵo, ekzemple el pezaj partoj de lakto.

fr: crême

kremopremilo, krempremilo

tubo el kiu oni elpremas strion de kremo por beligo de plado.

fr: poche à douille

krusto

ekstera ŝelo de manĝaĵo malmoliĝinta pro sekiĝo, kuiro...

fr: croute

kubetigi

tranĉi en malgrandajn kubojn.

fr: couper en cubes, émincer

kuireti

kuiri malforte.

fr: mijoter, mitonner

kuiri

prepari manĝaĵon, precipe per varmiga procedo modifanta la konsiston de la preparaĵo.

de: kochen; fr: cuisiner, faire cuire

kuirplato

metala plato kiun oni hejtas kaj sur kiun oni metas kuirvazon.

fr: plaque de cuisson

kuirvazo

ĉia vazo, kiu eltenas fajron aŭ hejton, kaj do en kiu oni povas kuiri.

fr: récipient qui va au feu

kulerego

ĉia granda kulero uzata en kuirado kaj preparado.

a b c ĉ d e f g ĝ h ĥ i j ĵ k l m n o p r s ŝ t u v z

[redakti] l

ladmalfermilo

= elladigilo

legomo

manĝebla parto de vegetaĵo escepte de dolĉaj fruktoj kaj spicoj.

de: gemüse; en: vegetable; es: verdura; fr: légume

longa pipro

pipro el himalajo kun longaj semoj, malpli akra, pli varma kaj pli dolĉa ol nigra pipro (sciencanome: piper longum).

fr: poivre long

lultranĉilo

tranĉilo kun kurba klingo kaj du ekstremaj teniloj, per kiu oni pecetigas ruligante la klingon alterne al ĉiu flanko simile al la movo de lulilo.

fr: hachoir

a b c ĉ d e f g ĝ h ĥ i j ĵ k l m n o p r s ŝ t u v z

[redakti] m

maldolĉa

guste kontrasta al dolĉo, do precipe amara, acida...

manĝaĵo

ĉia kruda aŭ preparita aĵo, kiun homoj kutime manĝas.

fr: met

manĝo

okazo, kiam homoj manĝas.

fr: repas

marmelado

fruktokaĉo sufiĉe longe kuirita kun proksimume sama pezo da sukero kiel da fruktoj.

fr: confiture, marmelade

meringo

dolĉaĵo el ovoblanko ŝaŭmigita kun sukero kaj milde bakita ĝis malmoliĝo.

fr: meringue

mikroonda forno

elektra forno, kiu kuiras manĝaĵojn per mikroondoj.

fr: four à microondes

a b c ĉ d e f g ĝ h ĥ i j ĵ k l m n o p r s ŝ t u v z

[redakti] n

nigra pipro

spico el nematura semo de piprarbo sekigita sub intensa sunumo, nigrakolora, pulvorigita aŭ ne.

fr: poivre noir

nudelo

pastaĵo kiun oni bolkuiras.

fr: nouille, pâte alimentaire

a b c ĉ d e f g ĝ h ĥ i j ĵ k l m n o p r s ŝ t u v z

[redakti] o

oleo

grasa fluaĵo manĝebla, elpremita el vegetaĵo.

fr: huile alimentaire

olivoleo

oleo el la fruktoj de olivarbo, sufiĉe gusta, tre uzata en mezmara kuirarto.

fr: huile d'olive

oranĝoflorakvo

parfuma likvaĵo el akvo, en kiu oni maceris oranĝoflorojn, kaj kiun oni distilis.

fr: eau de fleurs d'oranger

orbruna, orkolora

pro iom forta kuirado ekstere bruniĝanta -- ekzemple pri viandopeco aŭ kukosupraĵo.

fr: doré

orbrunigi

forte ekkuiri en graso ĝis bruneta koloro

fr: faire revenir, rissoler

a b c ĉ d e f g ĝ h ĥ i j ĵ k l m n o p r s ŝ t u v z

[redakti] p

panerumi

antaŭ kuirado kovri per pistitaj pecoj de seka pano kungluitaj per ovokirlaĵo.

fr: paner

pankrusto

ekstera bruna malmola ŝelo de pano, kontraste al panmolaĵo.

fr: croute du pain

panmolo, panmolaĵo

interna, mola parto de pano kontraste al la krusto.

fr: mie de pain

panpasto

pasto por pano, picoj... el faruno, akvo, gisto, longe knedita kaj kuirita, tre ŝvelinta.

fr: pâte à pain

panrostilo

aparato por rosti panpecojn.

fr: grille-pain

papriko

kapsikpulvoro el mildagustaj kapsikoj.

fr: paprika

pastaĵo

preparaĵo el pasto bolkuirita (nudelo...) aŭ bakita (pano...).

pastotranĉilo

ilo por tranĉi pastojn, ordinare kun tenilo kaj tranĉa radeto.

fr: coupe-pâte, éperon

pato

kuirvazo larĝa kaj malalta kun tenilo, taŭga por rapida kuirado sur fajro.

fr: poële, sauteuse

patrosti

kuiri en pato, ordinare kun iom da graso.

fr: faire sauter

pecetigi

krude erigi malmolaĵon ekzemple sukeron, piprosemojn...

fr: concasser

pelvo

ronda, kava preparvazo iom larĝa, uzebla por miksi konsistaĵojn, prepari paston aŭ salaton...

fr: saladier

pimento

spico el la nematuraj sekigitaj semoj de pimentarbo, grajna aŭ pulvora (sciencanome: pimenta dioica).

de: piment; en: allspice; fr: piment de la jamaïque, poivre de la jamaïque

pinĉopreno, pinĉaĵo, pinĉo

eta kvanto da pulvoro, kiun oni povas preni inter dika kaj montra fingro.

fr: pincée

pipro

spico el nigraj, blankaj, verdaj aŭ ruĝaj semoj de piprujo, grajna aŭ pulvora (sciencanome: piper nigrum), sed komunlingve ankaŭ el alispecaj vegetaĵoj (rozkolora, kajena...)

de: pfeffer; en: pepper; fr: poivre

pipromuelilo

aparato por polverigi malmolajn piprosemojn.

fr: moulin à poivre

pisti

erigi aŭ pulvorigi per pistilo.

fr: broyer (au pilon)

pistilo

bastono per kiu oni bate rompas malmolaĵojn.

fr: pilon

pistujo

solida vazo en kiu oni pistas, batante per pistilo.

fr: mortier

plado

aparta preparita manĝaĵo por unu aŭ pluraj manĝontoj.

fr: plat

plurproceda forno, plurfunkcia forno

forno kiu uzas plurajn hejtprocedojn: rezistilan, mikroondan...

fr: four mixte

poĉi

mallonge kuiri en akvo iom sub bola varmeco, ordinare por solidigi molaĵon: ovinternon aŭ similan...

fr:pocher

poto

kava vazo almenaŭ tiom profunda kiom larĝa.

fr: pot

premkaldrono, premboligilo

kuirvazo, kiu boligas la enhavon iom post iom ellasante la vaporon tra trueto.

fr: autocuiseur, cocotte-minute

provenca spicomiksaĵo, provencaj herboj

spicomiksaĵo el sudfrancio (provenco) el sekigitaj timiano, origano, rosmareno kaj aliaj mezmaraj vegetaĵoj en variaj kvantoj.

fr: herbes de provence

a b c ĉ d e f g ĝ h ĥ i j ĵ k l m n o p r s ŝ t u v z

[redakti] r

raguo

varma plado el viando aŭ fiŝaĵo bolkuirita kun saŭco kaj ofte kun legomoj.

fr: ragout

raspi

elŝiri erojn de solidaĵo skrapante ĝian supron.

fr: raper

raspilo

lamen-kradeto, muelileto aŭ alia ilo per kiu oni elraspas erojn de malmola nukso, fromaĝo...

fr: rape

recepto

instrukcio pri farado de plado.

fr: recette

receptaro

ordigita kolekto de receptoj.

fr: classeur de recettes, livre de recettes

rezistila forno

elektra forno, kies hejton provizas supraj kaj malsupraj rezistiloj.

de: ober- und unterhitze; fr: four traditionnel, four à convection

rizkuirilo

= elektra premkaldrono

rosti

kuiri per elmeto al sufiĉe forta fajro, ne metante en likvon.

de: rösten; fr: rôtir

rostopano

pantranĉaĵo kiun oni rostis por igi ĝin supraĵe krusteta.

fr: pain grillé, toast

ruĝa viando

viando de bovo, ŝafo, pli grasa ol blanka viando, bezonanta prefere rapidan, ne plenan kuiron.

fr: viande rouge

rulpremilo, pastorulpremilo

ligna cilindro kun du ekstremaj teniloj, per kiu oni rulpremas kaj platigas paston.

fr: rouleau à patisserie

a b c ĉ d e f g ĝ h ĥ i j ĵ k l m n o p r s ŝ t u v z

[redakti] s

sala

havanta guston stimulan senteblan ĉe la pinto kaj flankoj de la lango, kiel salo, marakvo...

fr: salé

saŭco

parfuma likvaĵo ordinare varma, kiun oni aldonas al plado.

fr: sauce

semolo

= grio

senkernigilo

ilo per kiu oni bore senkernigas frukton sen tratranĉo.

fr: dénoyauteur, vide-pomme

senŝaŭmigilo

truhava kulerego per kiu oni forprenas ŝaŭmon de sur bolaĵo.

fr: écumoire

senŝeligilo

tranĉilo kun klingo havanta fendon, per kiu oni forskrapas la ŝelojn de legomoj, fruktoj...

de: schäler; fr: couteau à légumes, économe

sezamoleo

oleo el la semoj de la greno sezamo, ne taŭga por fritado sed gustiga, ofte uzata interalie en ĉinio kaj koreio.

fr: huile de sésame

spatelo

kulerego kun plata beko, per kiu oni turnas, ŝmiras, glatigas pastojn.

fr: spatule

spico

fortagusta substanco aldonebla al manĝaĵo.

fr: aromate, condiment, épice

spicaĵo

= spicomiksaĵo

spicobukedo

fasketo da spicherboj kiun oni lasas en kuiranta raguo kaj forprenas antaŭ surtabligo.

fr: bouquet, bouquet garni

spicomiksaĵo

preparaĵo el pluraj spicoj.

fr: melange d'épices

stamino

ŝtofo tra kiu oni pasigas iujn saŭcojn aŭ kaĉojn.

fr: étamine

stanfolio, stana folio

= aluminifolio

staniolfolio

= aluminifolio

stufi

longe kuireti en fermita vazo kun nur la suko de la kuiraĵo aŭ malmulta plia likvo.

fr: braiser, étouffer

submetaĵo

plato, ofte disko, kiun oni submetas sub varmegan aŭ malsekan vazon por ŝirmi la manĝo-tablon aŭ -tukon.

fr: dessous (de plat, de bouteille...)

supkulero

kvanto portata de mezgranda kulero, proksimume 15 mililitroj.

fr: cuillère à soupe

surtabligi

prezenti pladon prete por manĝo.

fr: servir

a b c ĉ d e f g ĝ h ĥ i j ĵ k l m n o p r s ŝ t u v z

[redakti] ŝ

ŝampinjono

= ĉampinjono

ŝaumaĵo

preparaĵo el kremo, ovoblanko aŭ simila duonlikvo, kiun oni forte kirlis ĝis ŝaŭma aspekto.

fr: mousse

ŝaŭmĉerpilo

= senŝaŭmigilo

ŝaŭmigilo

ilo kun tenilo kaj stangetoj aŭ ringoj, per kiu oni povas kirle enmiksi kaj ŝaŭmigi likvon.

fr: fouet

ŝimfromaĝo

fromaĝo, en kiun oni enkondukis iujn ŝimojn (ofte bluverdajn, el genro penicillium), kiuj kaŭzas pikan guston.

fr: fromage bleu, fromage persillé

a b c ĉ d e f g ĝ h ĥ i j ĵ k l m n o p r s ŝ t u v z

[redakti] t

tabasko

spico el akragusta kapsikospeco (sciencanome: capsicum frutescens) liverata kiel fluaĵo.

en: tabasco; fr: tabasco

taĵino

nordafrika raguo preparita en terakota vazo kun funelforma kovrilo, tradicie kuiretita dum pluraj horoj.

fr: tajine

tanduro

granda bakforno kun formo de larĝaventra potego, en nordhindio tradicie farita el terakoto.

fr: tandoor (four indien)

taso

bovleto, malgranda trinkovazo por varmaj trinkaĵoj ofte kun unu anso.

fr: tasse

tavoligi

alterne surmeti malsamajn konsistaĵojn de plado.

fr: alterner (en couches)

tavolpasto

pasto el faruno kaj butero plurfoje refaldita dum knedo, prezentanta maldikajn tavolojn post bako.

de: blätterteig; fr: pâte feuilletée; it: pasta sfoglia

tekulero

kvanto portata de malgranda kulero, proksimume 5 mililitroj.

de: teelöffel; fr: cuillère à café

toasto

= rostopano

tortopasto

pasto el faruno kaj butero aŭ akvo, ne tro knedita, sufiĉe densa, neŝvelema.

de: mürbeteig, knetteig; fr: pâte brisée, pâte sablée; it: pasta frolla

tranĉilo

ĉia tranĉa ilo kaj precipe tia, kiu havas tenilon kaj unu mallongan klingon.

fr: couteau, instrument coupant

tranĉotabulo

= haktabulo

trinkovazo

ĉia vazo uzata por eltrinki.

fr: récipient à boire

tripo

besta intesto preparita por manĝo.

da: indvolde; de: eingeweide; fr: tripes

trulo, tortotrulo

ilo kun tenilo kaj rekta plato, per kiu oni levas tranĉaĵon de torto, kuko, pasteĉo...

fr: pelle à tarte

turnrosti, turnorosti

kuiri trapikitan per stango manĝaĵon, turnante la stangon super fajro.

fr: cuire à la broche

turnrostilo, turnorostilo

aparato por teni kaj eventuale turni stangon dum turnorostado.

fr: broche

a b c ĉ d e f g ĝ h ĥ i j ĵ k l m n o p r s ŝ t u v z

[redakti] u

a b c ĉ d e f g ĝ h ĥ i j ĵ k l m n o p r s ŝ t u v z

[redakti] v

vaflomuldilo

aparato kun du metalaj platoj, kiujn oni hejtas kaj inter kiuj oni kuiras duonlikvan paston de vafloj.

fr: moule à gaufre

vaksopapero, vakspapero

papero kun vaksa aŭ alia enmiksaĵo iganta ĝin grasimuna.

en: greaseproof paper, wax paper; fr: papier sulfurisé

vaporkuiri, vaporumi

kuiri elmetante al vaporo de bolanta akvo aŭ alia likvo.

fr: cuire à la vapeur

vaporkuirilo, vaporumilo

aparato kun truhava pelvo ricevanta vaporon el malsupra bolujo.

fr: couscoussier, cuit vapeur

vazo

entenujo por prepari, konservi aŭ prezenti solidaĵojn aŭ fluaĵojn.

fr: récipient

ventuma forno, ventola forno

elektra forno, kies hejton provizas ventumilo blovanta varmegan aeron.

de: umluftofen; fr: four à chaleur tournante

verda pipro

spico el nematura semo de piprarbo plengrajna aŭ ofte pecigita.

fr: poivre vert

viandmuelilo

aparato per kiu oni muele kaĉigas viandon.

fr: moulin à viande

viando

manĝebla parto de besto, precipe karno.

de: fleisch; en: meat; es: carne; fr: viande; sw: nyama

a b c ĉ d e f g ĝ h ĥ i j ĵ k l m n o p r s ŝ t u v z

[redakti] z

[kuirlibro: reiru al la ĉefpaĝo]