Arboj de moderaj kaj malvarmaj regionoj/Arboj kun kunmetitaj folioj/Robinioj
Subleciono B-5/3: Robinioj[redakti] |
Robinioj[redakti]
La Fabacoj estas granda familio de plantoj, entenanta ĉirkaŭ 1000 genrojn, kelkajn gravajn por la homaro (ekzemple fazeolon, lenton, sojon, arakidon). La genroj kreskantaj en la moderaj kaj malvarmaj klimatoj estas tamen plejparte herboj aŭ grimpoplantoj, kaj nur malmulte da genroj en tiaj klimatoj estas arboj.
Ene de la Fabacoj, la genro Robinia, t.e. la robinioj, entenas ĝuste arbojn kreskantajn en moderaj klimatoj.
Ĝi havas kunmetitajn foliojn kaj abundajn blankajn florarojn, kaj pro sia aspekto ĝi estas ofte uzata kiel ornama planto.
♠ La fabacoj - kaj do ankaŭ robinioj - havas bakteriojn en siaj radikoj, kapablajn ĉerpi azoton de aero, do ili povas kreski sur malriĉaj grundoj. Fakte, robinioj preferas arbarbordojn kaj lokojn kie arboj estis detruitaj, ekzemple de fajro.
Kiel rekoni robiniojn[redakti]
Folioj[redakti]
Simile al fraksenoj, robinioj havas kunmetitajn foliojn, kaj ili estas malkontraŭaj; malsimile, la folietoj estas malgrandaj kaj rondpintaj. Povas esti ĝis pli ol 20 folietoj en unu folio.
-
Folioj kaj fruktoj de Robinia pseudoacacia, la ordinara robinio (ankaǔ nomata blanka, nigra aǔ ŝajnakacia)
-
Unu folio di R. pseudoacacia
-
Folioj de R. viscosa, la algluiĝema robinio
-
Ofte estas dornoj apud la tigoj de folioj
Robinioj estas anoj de la familio Fabacoj, entenanta aliajn arbojn kaj arbetojn kun similaj folioj.
-
Sophora japonica estas fabaca arbo simila al robinio, sed la folietoj havas pintojn
-
Colutea arborescens, ankaŭ ano de Fabacoj, havas rondajn folietojn, sed ne tiom multajn kiom ĉe robinioj
-
Aldone, la fruktoj de C. arborescens havas tute malsaman aspekton kaj la planto povas esti arbeto sed ne vera arbo
Fruktoj[redakti]
Robinioj apartenas al Fabacoj kaj Fabacoj havas tipajn fruktojn nomatajn "guŝoj". Guŝoj entenas plurajn semojn (malofte nur unun), estas sekaj kiam maturaj, malfermiĝas por disŝuti semojn kaj ofte falas de la planto nur longe post la semdisŝuto.
Estas facile vidi almenaŭ kelkajn guŝojn sur robinioj dum pluraj monatoj.
La guŝoj de robinioj estas komence verdaj, baldaŭ brunaj kaj fine preskaŭ nigraj. Ili longas ĉirkaŭ 10 cm kaj entenas kutime 6-10 malmolajn semojn.
-
Guŝoj de robinioj je la fino de somero
-
Guŝoj de robinioj vintre
-
Eno de robinia guŝo
-
La guŝoj en la foto havas mallarĝajn zonojn inter la semoj; ili apartenas al alia arbo, Sophora japonica (sin. Styphnolobium japonicum)
-
Tiu guŝoj estas longaj, maldikaj kaj tordaj; ili apartenas al Gleditsia triacanthos
Trunko[redakti]
La plej grava eco notinda pri la trunko de robinio estas la ĉeesto de dornoj apud la komenco de foliotigoj. Memoru tamen ke la kulturistoj sukcesis krei robiniojn sen dornoj aŭ kun malmultaj dornoj.
Notoj kaj fontoj[redakti]